KOR-DAHAB

_______ Waxaan booqasho kutagnay buurta LAAS-GEEL , casar gaaban ayay ahayd anigu waxaan xidhanahay khamiis madaw kabo sandala oo cadcad gacnta bidix waxaan ku wataa taleefankaygii laabsalaaxa ahaa midigtuna waxay kujirtaa kor-dahab gacanteeda bidix labadayaduba waxaan si qiiroleh u daawanaynaa abuurka cajiibka ah ee buurta halmar kama jeedsanayno anigu waxaan is barbar dhigayaa labadan quruxood ee dabiiciga ah waxaan muran galinayaa in labadoodu hal meel kasoo wada jeedaan waayo labadooduba waxay kasimanyihiin midabkan cad ee bunniga xiga oh ! Labadooduba waa inyar kamid ah quruxda inteeda ifka loosoo bixiyay , markale cabbaayadeeda buluu maareega ah khimaarkeeda cad iyo biinka madaxa u saaran ayaan ku mashquulsanahay , xasuustayda ayaa dib iigu celinaysa markii ugu horraysay ee aan iyada arkay xaafadii 02 ( seeroo hulet ) dabaqii marka lasii fuulayo daalka badnaa kaabadii bilaa shape ka ahayd ee aan sii kori jiray markan tukaankooda kasoo adeeganayo , ala waan xasuustaa maalintii iigu horraysay dharkan oo kale ayay xidhnayd , sidan ayay u dhoolacaddaynaysay , 7 caruur ah ayay dhashay wali se sidii maalintii ayay u da’yartahay ala alaa waayo waayo iyo 2023 ayaan ku laabtay nafyahay soo noqo ka imo jigjiga oo imo wakhtigan xaadirkaa iyo laasgeel daawo quruxda deegaankan ilaahay dhigay inyar hareerahaaga fiiri kordahab waad daawan doontaaye . Laba maalin kaddib dalxiiskaas wuu noosoo dhammaaday waxaan kusoo laabanay gurigeenii jigjiga ala farxad waynaa marka aad noloshaada dhan u hibaysid hal gabadh waxay ku siinaysaa jacaylka dunida yaalla oo dhan , waxaad ka nabad galaysaa buuqqa ay ku noolyihiin rag badan oo soomaliyeed kuwaas oo gabadhii noloshooda markii ay shiidka ahaayeen qoftii usoo samirtay laguursada maalinka ay wax helaan , ala nacasanaa kuwaasi oo abaal daranaa ilahayow iyada ayaan u hibeeyay noloshayda waana igu ballan inaan garabkeeda ahaan doono heer walba aan gaadho . Isla markii aan soo gaadhay albaabka gurigeena waxaa iga furtay xayaat gabadheenii curad maanta waa 18 jir lix carruur ah ayaa kayar iyada , waxay kujirtaa fasalka 12 aad ee dugsiga sare ala qurxoonaa nolushu marka uu ilaahay kugu arsaaqo oori wanaagsan waliba aqoon diimeed iyo mid maaddiba leh , caruurtii kalena waakuwaa nagusoo yaacay alxamdulillaah ilahay ayan uga mahad celiyay nimcadaas uu I siiyay 20 sano ayaan kordahab wada joognaa muddadaas magaranayo hal maalin oo uu eray xun na dhexmaray iskabadaa inaan erey xanaf leh u quudho iyada e waxaan habaraa qof kasta oo iyada xumaan la raba , noloshayda ayay kasoo kaxaysay kuraynimo waxaanay keentay aabenimo , maalintii aan is guursanay ilaa maanta ma aaminsani in gabadh aan kordahab ahayni jirto iyada ayaan u hibeeyay noloshayda bilaw ilaa dhammaad iyadna waxay ii hibaysay adduunka ideelkiis ilaayow ii daa kordahah ! ______Dhoolacaddaynteeda , deganida hadalkeeda , dhalaalka foolkeeda , asturnaanteeda miyir-qabkeeda iyo kumannaan astaamood oo wanaagsan ayaa qalbigaygii haweenka u haysan jiray aalad lagu madadaasho u rogay mid jilicsan una nugul haweenka. Kahor intii aanay indhahaygu qaban kor-dahab waxaan ahaa mid qallafsan haweenkana waxaan ka aaminsanaa inay yihiin sidii kiniin xanuun baabiiye ah kaliya marka aan dareemo sababta aan kali u ahay halka raga qayrkay ahi ay jacaylo leeyihiin , haa su’aashaas marka uu qalbigu igu gaado ayaan sidii indhoole ay ka dhacday ushiisii u haab-haabtaa taleefanka si aan u waco mid kamid ah hablaha taleefanka iigu jira , ala cadaalad xumaayee Kor-dahab horteed hal habeen ayaan mid kamid ah gabdhahaas la kaftamaa sidii anigoon la’anteed noolan karin hal saac gudihii waxaan la dhisaa fooq jacayl oo sidii burji khaliifa u dheer balse nasiib darro marka uu xanuunka kalinimadu isii daayana dabaqaas waan dumin jiray waxaaban ka xanaaqi jiray haddii ay qoftaasi subaxda isoo wacdo , balse taas lidkeeda caawa taleefankayga ma aaminsani in gabadh kale kujirto lambarkeeda ayaan dul taaganahay “kor dahab” magacaas ayaan ula baxay ilaa markii aan jeclaaday kadib cajiib qoftaasi maxay kaga duwan tahay kumanaankii gabdhood ee aan ku ciyaari jiray sideen uga baqayaa xattaa inaan farriin gaaban u diro nafyahay ciyaarta igadaa . Dhawr sano oo aan ku dhex wareersanaa mawjdaha xiisaha haweenka iyo xidhidhda madhalayska ah waa markii koobaad ee aan dareemyo cabsi intan le’eg waxaan dareemayaa in wadnahaygu garaacmayo in kabadan sidii caadiga ahayd , masuuliyad ayaa I fuushay ilaa markii aan iyada bartay , naftaydii khiyaalka isku maaweelin jirtay ayay noqotay hage xaqiiqada tusa , waxay I siisay koorso degdeg ah oo la xidhiidha qiimaha haweenka , nolosha jacaylka ayay iga tustay dhanka wanaagsan , maskaxdayduna waxay wareegatay In kabadan 360⁰ , markaliya ayaan arkay anigoo kujira nolol qoysnimo ah , noloshayda waa markii iigu horraysay ee aan kafakeray lammaane run ah iyo nolol dhab ah khiyaalkayga ayaa ii qaaday 20 sano kadib . _____________________________________ Riyadu waxay u qurxoon tahay Sidii kor dahab oo kale ! Waayaha adduunku waa laba wajiile balse ilaahban wanaag ka rejaynayaa . Aniguna kor-dahab Kaarkii cishqiga Wuu ila kacoo Igusoo kacayoo Igu laba kaclee ! W/C: ABDIFATAH ADEM ( ENGINEERKA ) Febraury 2026 !