WALIGAY KUMAAN NICIN

Subax isniineed ayay ahayd jawigu saaka waa degan yahay roob shuuc ah ayaa xalay magaalada helay neecawda qabaw ayaa sanka kaa qaasaysa , boodhkii kabaha markaaba ku dhegi jiray saaka majiro , dirayskii markaaba kaa wasakhoobayayna laga raysay , cadceedu saaka waxaad moodaa inay heshiis lasoo gashay kumanaankan arday ee dawgaa dheer haya oo cidna gubi mayso cidna qabaw ka caban mayso , jawiga sidaas u macaan waxaa ii wehelinayay dirayska aan wato oo cusbaa dhammaan shucuurtaas ayuu toddobaadkan cusubi ku bilaabmay , dawga dheer ee magaalada dhanka koonfureed uga baxa ayaan saaranahay aniga iyo kumanaan arday oo kala jaad ah waxaan kusii jeednaa dugsiga oo duleedka maalada kuyaalla , ilaa masafo dhan laba kiiloomitir ayuu magaalada bannaanka ka yahay fogaanta intaas leeg gabdho oyo wiilalba waa la lugeeyaa majiraan gaadiid ay dawladu ardayda ku qaado amaba mid gaar loo leeyahay oo ardayda halkaas gaadhsiiyaa , sidaas oy tahay ardaydu dhammaan dugsiga sideeda subaxnimo way ku dhan yihiin , taasi waxay caddaynaysaa sida aqoonta loo danaynayo iyo dhiiranaanta ardayda , inta dawgaas lasii socdo dadku koox koox iyo kali kaliba wuu u socdaa , ninba kii ay sheeko iskugu baxaysaybuu la hayaa , anigu saaka walaashay oo aanu isku fasal nahay waatii aan iyadoo quraacanaysa kassoo dhaqaajiyay kolayba jawigaa isoo eryay , kalibaan ahaa ilaa aan kasoo gaadhay meel dhexe ,mar aan xiimayo oo aan mawjado hilaw ah ku dhex jiro ayaan ka war helay gabadh garabkayga socota waa hayat waxay kamid tahay ardayda aanu isku fasalka nahay waliba kuwa safka hore fadhiista marwalba oo uu macalinka xisaabtu soo galo waa ardayada kaliya ee macalinka la jiibisa sharraxaada , waxay kasoo jeedaa qowmiyadaha kala duwan ee itoobiyanka ah oo soomaaliyad maaha afka soomaaligana waxba kama taqaano , sidaas o ay tahay hadana waa qof bulshaawi ah wajigeeda furan iyo dhoolacaddaynteeda ayay dad badan ku kasbatay aniga iyo iyada wax aqoon shakhsi ah nagama dhaxayn aan ka ahayn inaan marmarka aan ardayda xaadirinayo aan u tago o lambarkeeda waydiiyo maadama aan ahaa horjoogaha fasalka , aroortaas hayat way i salaantay salaan kaddib waxaan is dhaafsanay wada sheekaysi aan sii badnayn oo aanu ku wada hadlaynay luqada englishka o aanu labadayaduba jajabsanaynay , anigoo yar ayaan luqada kasoo Bartay dugsii ugu caansanaa magaalada berigaas waa dugsi ay garanayaan badiba dadka magaaladu xoogaagii ayaan hayat ku dul practice gareeyay , wada sheekhaysi aan badnayn kadib waxay iisoo fidisay buug yare nooca exercise book loo yaqaab ah waan ka qaaday oon fiiriyay waxaa kuqornaa casharadii aanu ku dhigabay maadad kimistariga balse maan fahmin sababta ay iigu dhiibtay mardambe ayaan fahmay inay igu leedahay adigaa iskaleh , dhabtii sikinkaas wuxuu noqday kii iigu farxadda badnaa gabi ahaanba beryahaas , runtii waxaan galay jawi farxadeed oo sii biiriyay farxaddii dabiiciga ahayd ee saaka eebe degaanka kaga farxiyay , farxaddaas saa'idka ah wixii keenay miyaad i waraysatay , aan kaaga warramo e i dhagayso : Maalin khamiis ah anigoo ardayda xaadirinaya goor fasax ku dhaw ayaan buugtaydii ka dhex waayay buuggii kimistariga waxyar kadiba intan ardaydi so hor istagay ayan waydiiyay inay buugaas ii baadigoobaan se wax natiijo ah ma helin maalintaasna sidaas ayaan ku baxay , maalintii xigtay ee jimcihii ayaan ardaydii markale soo hor istaagay oo ka codsaday in haddiiba uu qof arkay uu buugaygii iisoo dhaweeyo cidse aragtay waan waayay runtii toddobaadkaas wuxuu ii aahaa kii iigu adkaa ee isoo mara waayo waxaa soo dhawaa dhibco ururiskii oo qofka buuga wuxuu ku qoray ayaa la qiimeeyaa dabeedna dhibco lagu siiyaa waxaan ka warwarsanaa dhibcaha i seegi doona , ta kale haddii aan is idhaa soo qor casharadii lasoo dhigay aad bay u badan yihiin oo kamasoo gaadhsiin karo maadaama aan habeenkii shaqayn jiray xaalku sidaas ayuu ahaa sabtidii iyo axadii oo aan iskuulka fasax ahayn wax ficil ah ma samayn buugii hore ayaan rejo ka qabay inaan heli doono isniintiina waatan hayat buug kale iisoo qortay imika inaad fahantay ayaan rejaynayaa wixii keenay farxaddaa saa'idka ah . Maalinimadii markii aan iskuulka kasoo laabtay ilaa iyo habeenimadoi waxaa maskaxdayda ka dhex guuxayay dhacdadii saaka na dhex martay aniyo hayat dhabtii waan u qaadan la'aa sida qof aanan hore isku aqoon uu wanaaggaas u samayn karo , sidoo kale waxaa maskaxdayda ka dhex guuxayay qaabkii aan uga falcelin lahaa dhacdadaas auy hayat samaysay , waxkasta oo qof abaal loo galay loogu abaal celiyo ayaa maankayga sidii filin u hor imaanayay , ugu fambayntii se waxaan go'aansaday inaan hayat abaalkeedu ha dambeeyee marka hore warqad u diro aan ugaga warramayo aan i diro waxaan garan waayay luuqad aan ugu qoro amxaari ma aqaan haddii ay iyadu u dhalatay , af soomaalina ma taqaan haddii aan anigu u dhashay , luqada englishka ayaan u arkay inay naga dhaxayn karto , salaadii cishaaiga kaddib ayaan xaafadii iskasoo xaadiriyay waxaan hore kasoo qaatay warqad bayaad ah iyo qaling barigaa socon jiray oo afar kalar ahaa , qolkii aan xaafada ka daganaa ayaan hoosta kasoo xidhay si aan la iiga jiidhinba , waxaan isasoo hor dhigay mobile kaygii izuz ka ahaa oo aan iga dan lahaa inaan ereyada igu adkaada dictionary ga waydiiyo , lfeker dheer kaddib waxaan soo gabagabeeyay warqaddii waaan xasuustaa inaan ugu dambaysiiyay weedh la macno ahayd “abaalkaahi waa aniga naftayda” “your reward is my soul" warqaaddaas ayaan subaxnimadii salaasada kula kallahay hayat markii aan fasalka iskugu nimidba waxaan giddoonsiiyay warqaaddii .

Maalintaas kaddib hayat gabdhaha kale ee fasalka way iiga dhawayd waxaan noqonay asxaab kaftanta iyo waliba laba dadka iskaga dhaw , xidhiidhkaas saaxiintinimo aadbuu u xoogaystay mararka qaar hayat taleefanka hooyadeed ayay igasoo wici jirtay waxaanay ii sheegi jirtay inaan xaasdooda ugu imaado anigana runtii waan la dhacay tagitaanka xaafadooda waxay i fadhiisin jirtay fadhiga TV-gana idaacada Ethio Cinema ayay i shidi jirtay runtiì waan la dhacay qaabka ay iisoo dhawayn jirtay muddo markii uu caalku sidaas ahaa maalin maalmaha kamida aniga oo gurigooda jooga ayay hayat igu tidhi caawa cishaiga kadib xafada igu kalay “hayye" ayaan ku idhi anigoon filayn in wax cusubi jiraan ilen awalba wan u tgi jiray balse manta wakhtiga ay i yedhay ayaa igu cusbaa se amarkaas sidiisa ayaan u qaatay wax dood ah kamaba keeni karo ileen , cishaai kadib ayaan albaabkooda hortiisa soo istaagay iyadna waabay isii sugaysay markiiba waxay gaanta iga saartay bashqad yar ay kijiraan tusbax saddex iyo soddonle ah iyo cadar nooca ragga ah , dabeetana iyadoon hal eray i odhan albaabkoodii inta furtay hore u gashay dabeedna intay qoorta lasoo baxaday ayay igu tidhi “Abdi” hee ayaan idhi “i love you” ayay igusoo tuurtay dabeedna albaabkii hore u xidhay habeenkaas waxaan galay jawi ka duwan kuwii aan aqal hauat kagasoo hoyan jiray waxaan dhex dabbaashay mawjado jacayl iyo qiiro ah hurdadii ayaan habeenkaas meel walba ka raadiyay se waan ka waayay . Habeenkaas wixii ka dambeeyay aniga iyo iyaduba waxaan noqonay laba nafqaybsi leh waxaan marwaliba isku diri jirnay farriimo kalgacal sidaas ayuu xishiidhkeenu ahaa ilaa lagasoo gaadhay sannadkii 2020 waa xilligii uu fayraskii karoonuhu dalka irtoobiya iyo dunidaba aadka ugu faafay maalmahaas ayaa dugsigii oo ahaa meesha kaliya aan aniyo hayat sida joogtada ah ugu kupmj jirnay la xidhay halkaasma waxaa ka bilaabmay arooro aanan is arag mararka qaar aan xaafadooda ugu tago iyo marmar aan suuqa ku kulano mooyee jaanis kale oon iskù aragno wuu iska yaraaday , muddo ayaa kasoo wareegtay inta aanan hayat muuqeeda arag codkeedana maqal inkasta oo aanay jirin wax xanaf ah o nakala gaadhay hadana midkaayan ka kale ma wicin , mardambe ayaan raafinteeda bilaabay balse iimay suurtagalin inaan helo waxaa la ii sheegay inay girigodii ka guureen o ay jigjiga u guureen talo ayaa igu caddaatay taleefankii hoyaded o anan waligay ka wicin inay igaso wacdo moye ayan ka wacay nasiib xumo ma shaqaynayn waan iska samray in aan is heli doono ayan niyada ku dhistay .

Maalin ciid ah ayaan so fadhiistay mid kamid ah kafeyeriyoyinka magalada waxa agtayda so fadhisatay laba kamid ah arday aan isku fasal ahayn o gabdho ah hayatna ay iska ag dhawaayeen waxay ii sheegeen in hayat ay guursatay oo hadda jigjiga ay degggan tahay warkaas naxdinta leh ma rumaysan waxaan u tafaxaytay inaan soo xaqiijiyo jiritaanka warkaas ugu dambayna waan soo xaqiiqsaday in hayat ay ninkale guri ugu jirto

“Tawaawaca maarmi waaga
Maxay talo igu adkaatay”

Waan ku qancay qaddarkaas hayatna waxaan sugayay uun inta ay maalin uun indhahayga so hor istaaayso si aan j waydiiyo sababta ay sidaas iigu samaysay anigoo jecel . Markii iskugu kaaya horraysay ee aan hayat kulanay ayaan waxwalba ohaaday waxaan fahmay inaysan iyadu qaladka lahayn xidhiidhkayagiina aanay beerka ka laadin ee ay qabsatay arrin iuada xattaa ka awood badan . Maalintaas ayaan cafiyay una sheegay inaan ku faraxsanahy nolosheeda ayna hore usocoto .

W/C ABDIFATAH ADEN